आई……श्रद्धांजली

आई…..वर्ष श्राद्धानिमित्त वंदन।

 

एक क्षण असा गेला नाही
त्यात तुझी आठवण नाही
प्रत्येक श्वास तू, उच्छ्वास तू
आठवांचा महापूर मनात भिजतो
आज खूप छळतेस ग आई तू
मी नाही राहू शकत तुझ्या शिवाय
लहान बाळ नाही माहीत आहे मला
पण तुझी आठवण येतेय त्याला वय काय मोजायचे होय।
तुझी मायेची सावली प्रेमाचा हात आता फक्त का त्या फोटोतच होय?
ये की बाहेर परत आणि घडव की ग काही चमत्कार
भिजतो पदर वारंवार माझा
आज न अंत त्याचा
समर्थ म्हणतात ते आज पटते
मरे एक त्याचा दुजा शोक वाहे…
बाबा तर तुला सोडतच नाही
त्यांना ही तुझ्याशी अजून खूप बोलायचे आहे
तू मला बोलावं ग म्हणून टाहो फोडत आहेत।।
काय करू आई माहेर माझे फक्त तुम्हीच तर आहे।

गौरी आगमन आणि घरच्या गौरी च प्रस्थान।
कसा ग असा मुहूर्त साधलास आई?

संचेतीत तू असताना सुविचाराने गायलेली
तुझी महती आज ही
तितकीच फिट आहेत

बास करते आई
शब्दात नाही बोलू शकत
शब्दांचे सैलाब आदळतात
मनाच्या कोपऱ्यात बरसतात
व्यक्तांच्या पलीकडे तोकडे माझे शब्द
समजतात तुलाच आणि फक्त तुलाच।
इतकीच माँ तुला
शब्द सुमनांची अंजलि
वाहते तुझ्या चरणी
आशीर्वाद आहेच तुझा,
तो सदा राहो मस्तकी
वर्ष श्राद्ध तुझे
छळते आज मला।
तुझीया चरणी लीन
असेन मी नित्य सदा ।
मायेची पाखर घाल माये
पदरी आशिष असो दे।
—————————-

पल्लवी उमेश